Við sættum okkur ekki við "Evrópustofu" – 230 milljóna áróðursbatterí Evrópusambandsins

Í Bítið - Jón Valur Jensson er ekki sáttur við Evrópustofu

Viðtal þetta var í Bylgjunni 27. jan. 2012 á áttunda tímanum.  Smellið HÉR til að hlusta!* En frábær var Ásmundur Einar Daðason í viðtali á Útvarpi Sögu í gær. Hér eru aðalatriði málflutnings hans:

 

 

 

Við yrðum að gefa það eftir í samningunum við Evrópusambandið að banna hvalveiðar, sagði Ásmundur, einnig að leyfa hér frjálsan innflutning á hráu kjöti og lifandi dýrum, ennfremur gefa eftir stjórn okkar á veiðum úr deilistofnum eins og makríl. Gegn þessu Esb-ferli öllu hefur verið mikil andstaða innan VG, m.a. hafa formenn 6 svæðisfélaga þar sagt af sér í mótmælaskyni. Menn binda þó enn vonir þar við, að Steingrímur – sem annast öll framangreind mál – sjái að sér, en margt bendir til þess að hann sé [á þeim buxunum að semja við Evrópusambandið um uppgjöf í þessum málum (ekki orðrétt þetta í hornklofanum; eins hér síðar)].

Pétur Gunnlaugsson þáttarstjórnandi færði svo Evrópustofu í tal og hvort hún væri ekki upphaf áróðursherferðar Evrópusambandsins hér á landi – og hvort hér ætti eftir að fara eins og í Tékklandi og Slóvakíu, þar sem mikill meirihluti manna var mótsnúinn inngöngu í Evrópusambandið nokkru fyrir þjóðaratkvæðagreiðslur um það, en svo var þessi innganga samþykkt með naumum meirihluta.

Ásmundur sagði "Evrópustofu" fyrst og fremst hugsaða til að draga upp jákvæða mynd af Evrópusambandinu og þetta væru gríðarlegir fjármunir (230 milljónir) sem lagðir væru í þetta verkefni. Til samanburðar nefndi hann, að 80% af öllu fé Heimssýnar hafi komið með valfrjálsum framlögum frá félögunum, eitt til þrjú þúsund krónur frá hverjum á ári. Hingað til hafi félagið aðeins getað haft einn mann í hálfu starfi. "Á sama tíma erum við að keppa við aðila sem ætlar bara á þessu ári að setja hundruð milljóna í að aulýsa eigið ágæti," sagði hann og spurði, hvað við segðum við því, ef Kínverjar verðu ámóta fjármunum í að auglýsa eigið ágæti eða að eitthvert stórfyrtæki gerði það sama.

Pétur minnti á, að nú værum við þó með lög sem leggja bann við erlendum framlögum til stjórnmálahreyfinga hér. Þessi lagasetning hefði reyndar komið til vegna erlendra styrkja til Alþýðuflokksins, en auðvitað sé það fyrst og fremst einn stjórnmálaflokkur sem [með þessum fjárframlögum Evrópusambandsins fái hér stuðning við stefnu sína: Samfylkingin].

Ásmundur Einar: "Já, stjórnmálaflokkur sem nýtur 20% fylgis hér." Hann segir þessi lög þó "á gráu svæði" að mati sumra lögfræðinga og að Heimssýn sé að leita að lögfræðingi til að fara yfir þetta. Rétt geti verið að endurskoða lögin, – hvort eðlilegt sé að einn aðili yfirtaki hér umræðu [svona stórra mála með yfirburðum sínum í kostun "kynningar" eða áróðurs].

Allir kunnugir um það, sem gerðist í löndum eins og Tékklandi, Slóvakíu, Svíþjóð og Noregi, hafa bent okkur á það, sem Evrópusambandið hafi gert þar [með fjárframlögum sínum til áróðurs], "þeir muni byrja hægt, en jafnt og þétt auka það," þar til ekki verði þverfótað fyrir [áróðurs- eða kynningarefni frá Esb.]. Þar að auki sé verið að gera sem flesta háða þessum og öðrum fjármunum frá Evrópusambandinu.

Einnig verði að horfa á þetta í ljósi þess, hve miklir hagsmunir búi hér að baki hjá Evrópusambandinu. Nýleg [skýrsla upplýsi um, að] framtíðarorkuforði Evrópusambandsins sé á norðurslóðum og þangað, m.a. til Grænlands og þessara svæða, sé horft til um nýtingu auðlinda – sbr. einnig áhuga Kínverja hinum megin frá. [Þarna séu miklir framtíðarkostir okkar, og því sé það] dapurlegt að við skulum sökkva okkur svona niður í eitt mál [Evrópusambandið], á sama tíma og okkur standa allar leiðir opnar.

Viðtalið við Ásmund var lengra (um önnur mál líka, m.a. Nupo-mál] og raunar ýtarlegra en svo, að mér hafi tekizt að ná öllum þessum hluta þess hér orðréttum. Sennilega heyrist það aftur í endurflutningi á Útvarpi Sögu í kvöld eða á morgun.

* Slóð: http://visir.is/section/MEDIA98&fileid=CLP9020. Athugið, að það dugar ekki að reyna að kveikja á hljóð-"tækinu" hér ofar, heldur þarf að smella sig inn á þessa slóð.

Hneyksli afhjúpað hálfu ári eftir leynisamning ríkisstjórnarinnar við Evrópusambandið

Gríðarlega öflug er grein Vigdísar Hauksdóttur í Mbl. í dag: IPA – styrkir ESB, og afhjúpar hneyksli.

Vigdís skrifar m.a. (allar leturbreytingar mínar, JVJ):

• Nú hefur Össur Skarphéðinsson lagt fram þingsályktunartillögu á Alþingi sem heimilar viðtöku ESB-styrkja að upphæð allt að 30 milljónum evra sem svara til um 5.000 milljóna íslenskra króna. Nú þegar hefur ríkisstjórnin tekið yfirdráttarlán af þessari upphæð því í fjárlögum fyrir 2012 voru færðar 596 milljónir. Það kom fram í umræðum á Alþingi nú í vikunni að hvorki utanríkisráðherra né fjármálaráðherra vissu um fyrirframgreiðsluna. Að ríkissjóður taki að „láni“ fjárhæðir frá ESB og færi þær í fjárlög ríkisins án þess að heimild liggi fyrir frá Alþingi um hvort taka megi við styrkjunum eða ekki er í besta falli vafasöm athöfn.
• Þáverandi fjármálaráðherra Steingrímur J. Sigfússon ber mikla ábyrgð á þessum gjörningi og sífellt hækkar afglapastabbi hans í starfi.
• Það er afar ógeðfellt að skoða þingsályktunartillöguna sem byggist á rammasamningi um IPA-styrki á milli ESB og Íslands, sem skilgreint er sem „styrkþegi“. Samningurinn var undirritaður í Brussel hinn 8. júlí 2011 og er fyrst núna að koma fyrir Alþingi. Þessar háu fjárhæðir eiga allar að fara inn í EES-stofnanir hér á landi að kröfu ESB og hinn almenni Íslendingur ber ekkert úr býtum. Ég bendi hér á alvarlegustu ákvæði samningsins.
• Í fyrsta lagi mun framkvæmdastjórn ESB annast stýringu á „aðstoð“ við Ísland. Ekkert annað ríki sem sótt hefur um aðlögun að ESB hefur verið niðurlægt á þennan hátt – en framkvæmdastjórnin telur að stjórnvöld hér á landi hafi ekki burði til að annast þessa stýringu. Þessu kyngir utanríkisráðherra.
• Í öðru lagi varðandi yfirumsjón, eftirlit og endurskoðun á styrkveitingunum skal framkvæmdastjórn og endurskoðunardómstóll ESB fara með þær valdheimildir. Þetta þýðir að framkvæmdastjórn ESB endurskoðar sínar eigin gjörðir – en það er nú ekki nýtt – enda hafa löggiltir endurskoðendur ekki treyst sér til að skrifa upp á reikninga ESB í tæp 20 ár. Þessu kyngir utanríkisráðherra.
• Í þriðja lagi skal ESB njóta friðhelgi gagnvart lögsókn og lögsögu íslenskra dómstóla vegna ágreinings við þriðja aðila eða vegna ágreinings milli þriðju aðila er varðar á beinan eða óbeinan hátt IPA-aðstoð sem veitt er samkvæmt samningnum. Íslensk stjórnvöld skuldbinda sig til að verja þessa friðhelgi og taka þá afstöðu til ágreiningsefnisins er ver hagsmuni framkvæmdastjórnar ESB og skulu þessir aðilar hafa samráð um hvaða stefna skuli tekin í dómsmáli. Þessu kyngir utanríkisráðherra. Enn á ný er ríkisstjórnin að selja dómsvaldið úr landi. Gera menn sér grein fyrir hvað þetta þýðir í raun og sann? Hér er verið að lögleiða að ríkisvaldið standi með ESB í dómsmáli á móti sínum eigin þegnum. Er hægt að komast neðar í undirlægjuhætti gagnvart Brussel-veldinu? 

Vigdís boðar aðra eða fleiri greinar um málið og tekur næst á ótrúlegum skattfrelsisákvæðum og undanþágum opinberra gjalda í IPA-rammasamningnum, fyrir aðila sem búsettir eru utan Íslands, eins og hún segir hér.

Ég verð í morgunviðtali hjá Heimi á Bylgjunni/Stöð 2 nú kl. hálfátta þennan morgun og mun ræða þar um hina rangnefndu "Evrópustofu" – ólöglegt áróðursbatterí Evrópusambandsins á Íslandi.

PS. Viðtalið við mig í þættinum Í bítið nú í morgun er að finna HÉR (slóð: http://visir.is/section/MEDIA98&fileid=CLP9020). Þarna ræddi ég aðallega við Heimi þáttagerðarmann, og var þetta e.k. viðbragð við lengra viðtali við forstöðukonu Evrópu[SAMBANDS]stofunnar þremur dögum áður.

Hreinsanir Samfylkingar og VG enn í fullum gangi

Ekki hefur frammistaða minnar gömlu bekkjarsystur, Ástu Ragnheiðar, í forsetastóli Alþingis hrifið mig hingað til, svo sem í umræðum um Icesave og Evrópusambands- ólöglegu umsóknartillöguna. Stjórnsemi hennar var hvimleið. En sú afstaða hennar að leyfa ætti umræðu um frávísunartillögu Bjarna Ben. á ákærunni á hendur Geir Haarde var að mínu mati sanngjörn og alls ekki ámælisverð. Í kjölfar þeirrar sjálfstæðu afstöðu hennar hefur Jóhanna Sigurðardóttir brýnt tennurnar og leitað leiða til að velta henni úr forsetastólnum, það er augljóst.

Steingrímur og Jóhanna hafa kosið að fara sínu fram í geðþótta og beitt valdi gerræðislega. Því skyldu menn ekki undrast frekari hreinsanir í stjórnarliðinu.

Fyrir slíkum hreinsunum var löng hefð í pólitísku baklandi Steingríms, bæði hérlendis og í Sovétríkjunum. 

Vel á minnzt, í gær hitti sá fyrrverandi (?) kommúnisti annan fyrrverandi (?) kommúnista, Štefan Füle, núverandi útþenslumálaráðherra Evrópusambandsins, og fór vel á með þeim kammerötunum. En Steingrímur heldur áfram að ögra og misbjóða grasrót flokks síns, sem er gersamlega andvíg innlimun landsins í valdablokk flestra fyrrverandi nýlenduvelda álfunnar.

Rætt um forseta þingsins

Skipsskaði við Noreg

Vonandi bjargast allir fjórir skipverjarnir á togaranum sem fórst í afakaveðri vestur af Noregi nú síðdegis. Einum hafa Norðmenn þegar bjargað og virðast búnir afar öflugum tækjum, þyrlum sem leggja út í fárviðri þar sem verstu hviðurnar eru eins og fellibylur. Ölduhæð náði 10–15 metrum. Verið var að flytja togarann til Noregs, þar sem selja átti hann í brotajárn.

Líðan sjómannsins góð

Evran til vandræða í veröldinni – samt partur af paradísarhugsjón Jóhönnu Sigurðardóttur, að ógleymdum garminum honum Katli

Alþjóðagjaldeyrissjóðurinn "segir evruvandann ógna efnahagslegum stöðugleika úti um allan heim." Fyrir fjórum mánuðum spáði hann 4,0% hagvexti á heimsvísu árið 2012, en nú 3,3% og á evru- skammarkróks -svæðinu um 0,5% samdrætti.

• Í spánni segir að hagvöxtur gæti orðið 3,9% árið 2013, en aðeins ef komið verður í veg fyrir upphlaup á mörkuðum vegna óstöðugleika á evrusvæðinu. (Mbl.is.)

Seint ætlar hamfarafréttum af evrunni að linna. En ákveðin smáklíka í Samfylkingunni hefur ofurtrú á henni og gefur með reglulegu millibili út öfugmælakenndar bjartsýnisyfirlýsingar, gjarnan í kjölfar nýrra vandræðamála og svartsýnisfregna af meginlandinu.

Undarlegast af öllu er kannski, að landsmenn taka hreint ekkert mark á þessu lofsverða jákvæði valdsherra okkar háttvirtra og jafnvel hæstvirtra (nota bene: þessi hugtök eru ekki tekin úr reynslubanka þjóðarinnar, heldur úr spariorðaforða Alþingis, útgefnum eflaust með konunglegri tilskipun um 1880).

Svo er nefnilega mál með vexti, að í netkönnun MMR, sem gerð var 12.-17. þessa mánaðar, kom í ljós, að einungis um 28% reyndust fylgjandi því að evra verði tekin upp hér á landi í stað krónu, en tæplega 52% þátttakenda voru andvíg slíku; 20% sögðust hvorki fylgjandi né andvíg. En þessi 28% eru reyndar mjög nálægt ríkisstjórnarfylginu, svo að kannski hefur hún eftir allt saman þessi markvissu áhrif, og þá er nú til einhvers lifað, ekki satt, Össur og Jóhanna?

Spá 0,5% samdrætti á evrusvæðinu

Jens læknir og félagar ættu að borga það sem framleiðandinn borgar ekki. – 550 sílikonaðgerðir á ári hverju!

Ómskoðun og uppskurðir á konum til að losa þær við bilaða brjóstapúða Jens Kjartanssonar & Co. ættu að borgast úr vösum framleiðenda, umboðsmanna og framkvæmenda þessara aðgerða umfram allt, ekki úr vösum skattgreiðenda. Jens lét sem hann væri ekki borgunarmaður, en er þó sagður hafa fengið 170 milljónir fyrir. Þetta er ekki spurning um, hvort hann geti borgað allt, heldur að hann borgi það sem hægt er að ná af honum, að því leyti sem ábyrgðir falla á hann.

Sagt er, að ríkið muni greiða 6 milljónir vegna þessa átaks í ómskoðun sílikonkvenna, en augljóst á að vera, að Jens er alveg borgunarmaður fyrir því og getur þar hlaupið undir bagga fyrir framleiðendur, meðan ekki er búið að ná tangarhaldi á buddum þeirra.

En efnishyggja Íslendinga virðist næsta áberandi í þessu sílikonmáli – með margfalt hlutfall slíkra ígræðsluaðferða miðað við Frakka – já, hvort heldur miðað er við höfðatölu eða brjóstatölu! – en hér fóru slíkar aðgerðir fram um 1.650 sinnum síðustu þrjú ár! Virðist efnishyggja hafa stýrt hér málum á báða bóga.

• "Miðað við fólksfjölda er tíðni brjóstapúðanotkunar miklu meiri hér á landi [en á Englandi]. Áætlaður fjöldi er milli 3-4.000 kvenna sem samsvarar að allt að 5% ungra kvenna beri slíka púða sem er fimmfalt hærri tíðni en í Bretlandi," segir Vilhjálmur Ari Arason læknir HÉR!

Hér eru ýmsar aðgerðir látnar bíða og sjúklingar látnir borga hlutdeildarkostnað í vaxandi mæli. Þá eru einnig dæmi um að sjúklingum hafi verið þverneitað að fara utan í nauðsynlega aðgerð, sbr. ungu stúlkuna sem sett var í farbann nýlega!

Hér eiga forgangsmál að ganga fyrir, og yfirvöld eiga ekki að láta undan þrýstihópum um að ríkið taki á sig allan kostnað í máli sem því, sem hér var fyrst og fremst skrifað um – og leggja þanng byrðar á heilbrigðiskerfi sem þegar er sligað af fjárskorti, er t.d. alveg aftur í rassi miðað við nágrannalöndin um lækningatæki, og m.a. þess vegna verða sjúklingar hér fyrir meiri hættulegri geislun vegna sneiðmyndatækja en vera þyrfti.

Ennfremur er það algert lágmark, að skattborgarar séu ekki látnir greiða fyrir aflífun ófæddra barna. Yrðu umsækjendur að kosta sjálfir þá aðgerð, hefði það mjög fljótt einhver áhrif til fækkunar óskipulagðra þungana.

Ég verð með erindi í Útvarpi Sögu kl. 12.40 í dag, til 13.00; endurtekið á föstudag kl. 18. 

Samið um ómskoðun vegna brjóstapúða

Áramótaskaupið var pólitískt hlutdrægt

Það er auðvitað í samræmi við vinstri viðhorf margra í leiklistarbransanum, en fagfólk ætti að forðast að láta eigin pólitík lita vinnubrögð sín í verkum sem eru unnin fyrir þjóðina og borgað fyrir með nauðungar-skattheimtu.

Áberandi var árásarandinn gegn Sjálfstæðisflokknum í þessu 'skaupi', og einn leiklistarrýnir taldi þetta alls ekki eiga að vera fyndið, heldur eitthvað allt annað.

Niðurstaða skoðanakönnunar um þetta skaup sýnir, að fylgjendur stjórnarflokkanna voru talsvert ánægðari með það en fylgjendur stjórnarandstöðu, og kemur það ekki á óvart.

Linkind þeirra, sem stóðu að skaupinu, við ráðherrana er undarleg. Mest var verið að búa til meinlausar og í versta falli brjóstumkennanlegar klisjumyndir af Jóhönnu og Steingrími, en hvergi tekið með eindregnum hætti á stjórnarafglöpum þeirra og berum svikum við kosningaloforðin. Svo var of mikið þarna um fimmaurabrandara og klisjukennda gagnrýni, ef gagnrýni skyldi kalla, á Sigmund Davíð Gunnlaugsson, með tilheyrandi jarmi og lopapeysutali eða einhverju í þá áttina – svipað og sjá má í kjánalegustu commentum frá Esb-innlimunarsinnum á vefsíðum.

Má ekki færa þetta upp á svolítið hærra plan? 

Flestir ánægðir með Skaupið

Ólaf Ragnar Grímsson áfram sem forseta!

Glæsilega gengur það í undirskriftasöfnun til stuðnings Ólafi Ragnari Grímssyni, þ.e. áskorun á hann að gefa kost á sér í embættið næstu fjögur árin. Hann er sá, sem við vitum að treysta má í vörn landsréttinda okkar og er ekki feiminn við að vísa örlagamálum til úrskurðar þjóðarinnar sjálfrar!

Kl. 14.42, þegar þetta er ritað, hafa 13.462 ritað undir áskorunina. Það er sannarlega rífandi gangur á aðeins tveimur sólarhringum. Markmiðið er að komast í ekki lægri tölu en við síðustu Icesave-áskorunina, um 40.000 undirskriftir.

Ólafur Ragnar hefur reynzt þjóðinni brjóstvörn í hennar lífshagsmunamálum og neyðarventill gegn misráðnum og heigulslegum ákvörðunum stjórnmálastéttarinnar.

Og Ísland vann Ungverjaland í dag 27:21!

Undirskriftum fjölgar ört

Islamistar ráða 2/3 atkvæða á egypzka þinginu

Það er óskemmtileg frétt að islamistar hafi náð tveimur þriðju atkvæða í þingkosningunum í landi sem hefur verið í jafn miklum samskiptum við Vesturlönd sem Egyptaland. Tveir róttækir flokkar þeirra náðu þessum meirihluta að loknu þriðja og lokastigi kosninganna þar, og verða því islamistar alls ráðandi þar á þingi. (Sjá nánar frétt Mbl.is)

Þótt undirritaður hafi engar heimildir um, að þessir islamistaflokkar tengist öfgamúslimum í Nígeríu, má þó geta þess, að nýjasta hryðjuverkið þar gegn tugum kristinna manna átti sér stað í gær.

Veröldin er ekkert síður viðsjál nú en um aldamótin 2000 og ekkert lát á árekstrum múslima við kristna menn. Þetta gefur ekki góðar vonir um, að fólk frá múslimalöndum geti greiðlega fengið auðveldan aðgang að evrópskum vinnumarkaði, þegar að því rekur, að vinnuaflsskortur verði þar vandamál eftir um 2–3 áratugi vegna allt of fárra fæðinga íbúa álfunnar. Þá væri betra að leita til Indlands um vinnuafl.

Stórsigur íslamista í Egyptalandi

Sjá hér hve illan endi ...

Ríkisstjórninni helzt illa á stuðningi brottrekinna ráðherra sinna og þarf ekki að koma það á óvart. Árni Páll og Jón Bjarnason greiddu báðir atkvæði gegn þjösnatillögu Steingríms og Jóhönnu, borinni fram gegnum þjóninn M.O. Schram, um að vísa frá frávísunartillögu Bjarna Benediktssonar á (á)kærunni á hendur Geir Haarde.

Jafnvel ráðherrann Ögmundur greiddi atkvæði gegn tillögunni, að ógleymdum fyrrverandi þingflokksformanni VG, Guðfríði Lilju, sem hafði uppi mjög sterk orð (sem heyrðust nú í hádegisútvarpi Rúv) um hneykslan sína á Jóhönnu Sigurðardóttur fyrir dómhörku um Geir Haarde, hafandi sjálf setið í mikilvægustu ráðherranefnd hrunsstjórnarinnar sem bar að fylgjast með efnahags- og bankamálunum og stefnumörkun alla. Hræsnisfull er því afstaða Jóhönnu og ekki síður Steingríms, sem lét í lok atkvæðagreiðslu um Geirsmálið fyrir rúmu ári eins og honum hafi þótt niðurstaðan mjög miður og hafði um það fjálgleg orð, sem ollu mörgum klígju.

Hreinskiptni Steingríms þessa er nú ekki beinlínis landsfræg, sbr. þegar hann fór annaðhvort í göngurtúr eða var kominn heim til sín, þegar greidd voru atkvæði um eftirlaunamál þingmanna o.s.frv., og eins þegar hann laug að Alþingi að enginn Icesave-samningur væri alveg á leiðinni og að hann myndi að sjálfsögðu verða lagður fyrir utanríkismálanefnd. Tveimur dögum seinna bar hann fram frumvarpið, án viðkomu í utanríkismálanefnd, og var farinn að þvinga þingmenn sína til að greiða atkvæði með því án þess að hafa lesið samninginn!

Það er eðlilegt, að að því reki, að svo hrikaleg stjórnvöld sjái fram á endalok valda sinna.

Árni Páll styður ekki frávísun