Geðþóttastjórnin keyrir á óunnið stjórnarskrármál til að losa sig við fullveldið og þókknast Hreyfingunni til að afstýra eigin andláti

Bjarni Ben. sá ljósið, benti í þingræðu í gær á svikabrall Hreyfingar og ríkisstjórnarinnar, hrossakaup sem ganga út á að Þór Saari & Co. haldi lífinu í óvinsælli gervivinstristjórn gegn því að fullveldissviptandi stjórnarskrárdrög ólögmæts "stjórnlagaráðs" fái framgang* og að um þau verði kosið (í heild, sennilega, ekki öðruvísi, almenningur eigi sem minnst val!!!) jafnhliða forsetakosningum (sem kannski engar verða!!!) í sumar.

Dagr er upp kominn / dynja hana fjaðrar. / Mál er vílmögum / að vinna erfiði.

Sjálfur hafði ég ítrekað í ræðu og riti (hér og á Útvarpi Sögu) bent á þetta svikasamkomulag, sem ljóst varð í kringum áramótin, en aðeins gleggstu menn, hinir árvökrustu, veittu athygli.

Og sú svikatillaga gegn núverandi stjórnarskrá var samþykkt nú síðdegis, eftir mikil mótmæli stjórnarandstöðu, að "stjórnlagaráð verði kallað saman á ný til fundar í mars til þess að ræða það hvort gera þurfi frekari breytingar á frumvarpi þess að nýrri stjórnarskrá sem verið hefur til meðferðar í þinginu. – Þá er samkvæmt þingsályktunartillögunni gert ráð fyrir að haldið verði þjóðaratkvæði samhliða forsetakosningum í sumar um frumvarp stjórnlagaráðs áður en það fari aftur til meðferðar á Alþingi þegar þing kemur saman næsta haust" (Mbl.is, lbr. jvj). Tillagan var samþykkt með 30:15 atkvæðum, einn sat hjá, Höskuldur lögfræðingur Þórhallsson. Hann "sagðist fyrir atkvæðagreiðsluna efins um að um væri að ræða skref fram á við, meðal annars vegna þess að engin efnisleg umræða hefði farið fram um frumvarpið á Alþingi," og hafði hann þó glapizt á að styðja skipun stjórnlagaráðs.

Miklar deilur stóðu um þessa þingsályktunartillögu á þingi í dag.

• [H]afa þingmenn Sjálfstæðisflokks og flestir þingmenn Framsóknarflokksins gagnrýnt það harðlega og hvernig staðið hefur verið að því. Meðal annars fyrir það að halda eigi þjóðaratkvæði um málið þrátt fyrir að vinna við frumvarpið ætti enn langt í land. Þá ekki síst með aðkomu lögfróðra sérfræðinga. Þá lægi ekki fyrir eitt kostnaðarmat vegna þingsályktunartillögunnar.
• Bjarni Benediktsson, formaður Sjálfstæðisflokksins, fór hörðum orðum um það hvernig staðið hefði verið að málinu og sagði vinnubrögðin fyrir neðan allar hellur. Þá sagðist hann ennfremur óttast að verið væri að vinna hugtakinu þjóðaratkvæðagreiðsla mikinn skaða til framtíðar með því hvernig haldið hefði verið á málum.

"Þjóðaratkvæðagreiðslan" verður í raun ráðgefandi skoðanakönnun. Þá er hún með þeim stórkostlega slæmu annmörkum, 1) að hér stendur til að kasta út heilli stjórnarskrá, sem unnið hefur verið að, með ýmsum viðaukum og lagfæringum í nær 140 ár, 2) að hraðsuðu-"stjórnlagaráð", ólöglega skipað (þvert gegn lögum um stjórnlagaráð og almennum kosningalögum og úrskurði Hæstaréttar Íslands), fær hér ALLT að segja um þetta mál með "nýrri stjórnarskrá" þrátt fyrir örskamma yfirlegu málsins, 3) að prófessorar í lögum o.fl. lögspekingar hafa gagnrýnt drög þessa ráðs mjög alvarlega, 4) að þjóðin fær sennilega EKKERT að segja um einstakar greinar þessara draga, bara já eða nei við þeim öllum í einum pakka!!!

Ég er sammála Vigdísi Hauksdóttur alþingismanni: Þetta er svartur dagur í sögu Alþingis.

* Úr frétt Mbl.is (leturbr. mín):

• Bjarni Benediktsson, formaður Sjálfstæðisflokksins, hélt því fram á Alþingi í dag í umræðum um þingsályktunartillögu um meðferð frumvarps stjórnlagaráðs til stjórnarskipunarlaga, að greinilegt væri af áherslu stjórnarliða á að koma málinu í gegnum þingið að það væri greiðslan til Hreyfingarinnar fyrir að verja ríkisstjórnina falli. Nokkur kurr varð í þingsalnum við þessi orð Bjarna, en enginn kom hins vegar upp í ræðustól í kjölfarið og hafnaði þeim.

Aftur til stjórnlagaráðs

Athugasemdir

[Jón Bjarni Steinsson, 22.2.2012 kl. 18:01]

Stjórnlagaráð, sett með lögum frá Alþingi - er ekki ólögmætt nafni...

Enda er Alþingi það fullfrjálst að setja á slíka nefnd án kosninga

[Jón Valur Jensson, 22.2.2012 kl. 18:41]

Alrangt hjá þér, Jón Bjarni Steinsson. Þegar innan við helmingur þingmanna skipaði þetta "ráð", þvert gegn jafnræðisreglum stjórnarskrárinnar (því að ekkert gerði þetta fólk verðugt þess umfram aðra borgara landsins), þá var það gróft brot á lögunum um stjórnlagaþing, sem ÞÁ VORU ENN Í GILDI. En þau lög kváðu skýrt á um, að almenn kosningalög landsins skyldu gilda um framkvæmd kosningarinnar til stjórnlagaþings og að meintum göllum á kosningarframkvæmd ætti að vísa til úrskurðar Hæstaréttar Íslands. Samkvæmt hinum almennu kosningalögum bar að ENDURTAKA KOSNINGUNA, ef hin fyrri teldist ógild. Það átti einmitt við um til stjórnlagaþingskosninguna, hún var ógilt, og hana BAR að endurtaka. Þvert á móti trássuðust stjórnvöld við í ofdirfsku sinni og brutu bæði stjórnlagaþingslögin, meðan þau voru þó enn í gildi, og almennu kosningalögin (sem eru vitaskuld enn í gildi).

Leið þessara stjórnvalda er geðþóttastjórn og gerræði og aðeins fáeinir dagar síðan í ljós kom, að í enn einu máli hafa þau brotið stjórnarskrána! En þú verð þau fram í rauðan dauðans hjá þessari ógæfustjórn!

Leiða ber slík stjórnvöld fyrir rétt og ógilda lögleysur þeirra.

[Jón Valur Jensson, 22.2.2012 kl. 18:43]

Þarna var ofaukið einu orði: "Það átti einmitt við um til stjórnlagaþingskosninguna, ..."

[Jón Valur Jensson, 22.2.2012 kl. 18:44]

fram í rauðan dauðann ...

[Jón Bjarni Steinsson, 22.2.2012 kl. 18:51]

Ef þetta væri rétt Jón, þá ætti það ekki að vera mikið mál að kæra setningu ráðsins og fá um það úrskurð dómstóls.

Þú virðist gleyma því að alþingi getur með meirihlutaatkvæði þeirra þingmanna sem kjósa hverju sinni sett lög, enda fer Alþingi með lögsetningarvaldið hér á landi.

Stangist þeirra lagasetning á við stjórnarskránna er það verk dómstóla að taka á því, liggi þetta svona ljóst fyrir eins og þú ýjar hér að, afhverju er þá enginn búinn að kæra?

[Jón Valur Jensson, 22.2.2012 kl. 19:12]

Þú veizt þetta er rétt hjá mér, Jón Bjarni, rökin eru skýr, og þú laganeminn átt engin bein svör við þeim.

Þú veizt líka hitt, að mjög var að hæstarétti sótt vegna ógildingarinnar, hæstiréttur var undir ógnandi hótunum ríkisstjórnarinnar. Þegar einmitt þetta mál var kært til hæstaréttar, þorði hann ekki að taka á því.

[Ólafur Björn Ólafsson, 22.2.2012 kl. 22:14]

En stjórnarskráin sem enn er í gildi setur strik í reikninginn...

79. gr. Tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu Alþingi og auka-Alþingi. Nái tillagan samþykki …¹⁾ skal rjúfa Alþingi þá þegar og stofna til almennra kosninga af nýju. Samþykki [Alþingi]¹⁾ ályktunina óbreytta, skal hún staðfest af forseta lýðveldisins, og er hún þá gild stjórnskipunarlög.
Nú samþykkir Alþingi breytingu á kirkjuskipun ríkisins samkvæmt 62. gr., og skal þá leggja það mál undir atkvæði allra kosningarbærra manna í landinu til samþykktar eða synjunar, og skal atkvæðagreiðslan vera leynileg.

Með kveðju

Kaldi

[Jón Valur Jensson, 22.2.2012 kl. 23:31]

Þakka þér, Ólafur Björn Kaldi, gott að sjá þig hér.

[Viðar Friðgeirsson, 22.2.2012 kl. 23:33]

Já Jón Valur. Geðþóttastjórn er hún og Geðþóttastjórn skal hún heita. Við munum síðan fá einhvern pakka til samþykktar eða synjunar. Sliku á að hafna í almennum kosningum og fella breytingartillögur þessa ólöglega stjórnlagaráðs. Allar á einu bretti! Henda svo Samfylkingu, Vinstri grænum og Hreyfingunni hans Þórs Saari fyrir róða í næstu kosningum.... fyrir fullt og allt... endanlega. Aldrei aftur vinstri stjórn. Aldrei. Hvaða stjórnarfyrirkomulag sem okkur býðst í framtíðinni... aldrei aftur vinstri... og allsekki "tæra" vinstri.

[Jón Valur Jensson, 22.2.2012 kl. 23:37]

Vel mælt, Viðar.

.

[Júlíus Björnsson, 23.2.2012 kl. 00:51]

Danakóngur sendi Íslendingum stjórnarstjórnarskrá sem var eins og sú  Danska í aðalatriðum.  Til mótvægis við Konung þá var vilji að hér Konungur  og þar sem sá Ráðherra sem situr forsætis kallast Forsætis ráðherra [President] þá leitað til Óðins  og ákveðið að kalla okkur Konung forseta, allir á þessum tíma sem þóttu málsmetandi voru vel að sér í Latínu og Grísku og vissu vel að einu  sinn á öld getur Veto réttur bjargað borgum frá siðspiltu þingliði [Sentorum].  Hinsvegar vildu menn tyggja að embættið væri ekki með of mikil fríðindi eða Forsetinn tekjur að gæti farið að leika Ríki í Ríkinu.  Færi frekar í Forsetta sem setur Fundi og stillir sættir með ásum. 

Þá gildir það sem ennþá gildir í flestum ríkjum að heildartekjur á ári , er skipt niður hlutfallalega á ása, eða geira í kökuskiptinu [pie-chart]: hentar ekki fjármagnsfíklum.  Hver ráðherra heldur um sinn fasta hlut [prósentu]. Ráðneytum er líka skipt niður þannig að verksvið skarist ekki. Forfaðir  minn í byrjun á 17. öld sat fundi með Konungi var stríðsmálaráðherra í Noregi og hluta Svíðþjóðar og hafði þá fjármálinn á sinni hendi. Þetta kerfi er allt hannað til gera kappræður og málþóf óþarfar og halda sköttum í lámarki til tyggja vinsældir Konungs, síðan forsætisráðherra Dana.
Íslendingar voru samir við sig og halda mikið upp á hrossakaup og útfærslur á forminu urðu hér aðrar en í Danmörku. Breytingar sem síðar komu vægast sagt tvíræðar.

Ég hef eftir áreiðalegum heimildum að þegar ég var 6 ára og kynnist þessari skrá fyrst þá var ennþá til nóg af fólki hér sem þekkti málið frá fyrstu hendi og skildi upprunalegu Stjórnarskrána eins vel og alla aðra Íslensku.

Bararismus segir Ólafur [ekki blackletter writing] Hvítaskáld hafi orðið Heimsveldi Alexanders mikla að falli og sama hafi Rómerja. Það gerist með rithætti þegar orð eru fölsuð þannig að orsijfafræðin ruglist eða innrímið, einnig geta orð orðið kyn-vilt svo sem að omm er kvenkenning rúmun stórt M=emm er í Amma og Mamma.  Í Latínu gefur corrumpo [að brjóta í parta sína] lýisnarmyndina corruptus. Þarna er M felt burt. Þetta er svo kallað leið til siðspillingar, nýorðsmíð að óþörfu er eitt versta dæmið um siðspillingu. Það eyðileggur reynsluskilboðin frá forfeðrum til afkomenda sinna.