Ekki er það gæfulegt að þegja um þá staðreynd, að allt frá desember 2001 bar Landsbankanum (óháð bankareikninga-rekstrarformum hans) að borga árlega iðgjöld til brezka fjármálaeftirlitsins (FSA) – iðgjöld sem gengu að stórum hluta til FSCS.

Hvers vegna afneita Icesave-borgunarsinnar eins og Magnús Helgi Björgvinsson staðreyndum? (Ég vísa hér til svara hans á þessari vefsíðu minni í tilefni af stórmerkri Morgunblaðsgrein Lofts Þorsteinssonar, varaformanns Þjóðarheiðurs.)

Vildu menn eins og Magnús í alvöru, að Icesave-innistæðueigendur færu á mis við þá tryggingavernd, sem þeir áttu heimtingu á hjá brezka tryggingasjóðnum vegna greiðsluþrots Landsbankans?

Hverra málsvari ertu, Magnús Helgi Björgvinsson? Gordons Brown og Alistairs Darling? Eða ertu bara illa upplýstur páfagaukur vanhæfra ráðamanna Samfylkingarinnar?

En að ábúðarmestu ábyrgðarmenn fjármálalífs Vesturlanda eins og Dominique Strauss-Kahn eða Brussel-nómenklatúran séu í standandi vandræðum vegna þess að Evrópubandalagið og voldug ríki þar voru tekin í bólinu með allt niðrum sig í innistæðutryggingamálum, það kemur mér ekkert á óvart.

Þær lofa hana fyrir "störf hennar" – eins og Icesave og innlimunarprógrammið?

Þær taka ekki eftir, hverjum klukkan glymur. Hafa sennilega setið heima og slökkt á sjónvarpinu þegar þjóðin hafnaði Icesave-ólögum engrar annarrar en Jóhönnu og allra hennar fylgispöku Samfylkingarkvenna og mannleysa á þingi.

• Samfylkingin nýtur nú stuðnings 23,1 prósents kjósenda samkvæmt könnun Fréttablaðsins. Í könnun blaðsins í janúar síðastliðnum sögðust 28,7 prósent styðja flokkinn, og fylgið hefur því dregist saman um tæpan fimmtung, eða 5,6 prósentustig.

Er þetta allt vegna vinsælda "starfa" Jóhönnu á þingi og í Stjórnarráði?

Eða er þetta bara veruleikafirrtur smáhópur kvenna sem reynir að streitast á móti stríðum straumi örlaganna og kann ekki betra ráð en afkáraleg öfugmæli um þennan afspyrnu-seinheppna verkstjóra sinn sem svo til engu hefur komið í verk?

Féð, sem kom og koma bar til Icesave-innistæðueigenda í Bretlandi, kom frá brezka tyggingasjóðnum FSCS, sem fekk tímabundið lán frá seðlabanka Bretlands, Englandsbanka (sem er ekki brezki ríkissjóðurinn) þar til allir bankar í Bretlandi hafa greitt það til FSCS, sem þeim BER að greiða vegna greiðslufalls Landsbankans.

Öllum, sem þekkja til eðlilegs réttarfars og dómsmála, er kunnugt, að það gerist iðulega, að málum sé vísað frá dómstólum vegna formgalla. Hér í þessu máli er um grundvallar-formgalla að ræða, og því er eðlileg sú krafa Lofts og allra réttsýnna manna, að þessum málatilbúnaði Brown-stjórnarinnar brezku verði vísað frá. Loftur hefur þegar skrifað öllum alþingismönnum bréf með tilvísan til greinar sinnar og með hvatningu til þeirra að fella úr gildi það, sem eftir er af Icesave-lögum í langasafni Íslands. Samtökin Þjóðarheiður (sjá neðar) taka undir þá kröfu hans.

Niðurstaða og lokaorð Lofts eru þessi:

• Staðan er því sú, að ríkisstjórn Íslands hefur gert samning við ríkisstjórnir nýlenduveldanna um að greiða fúlgur fjár inn í ríkissjóði þessara landa. Haft er að yfirskyni að þetta séu bætur til innistæðu-eigenda í Icesave-útibúum Landsbankans. Ekkert getur verið fjær sannleikanum, því að starfandi bankar í Bretlandi og Hollandi eru nú þegar byrjaðir að greiða tryggingasjóðunum þær bætur sem þeir greiddu. Bankarnir eru að greiða tryggingasjóðunum gömul iðgjöld, sem nú koma til innheimtu. Fullkomnir forsendubrestir eru því á Icesave-samningunum og bara af þessari ástæðu einni er nauðsynlegt að Alþingi afnemi lögin 96/2009 samstundis. Jafnframt verður ríkisstjórnin að gefa yfirlýsingu um að Icesave-samningarnir hafi verið gerðir á röngum forsendum. Icesave-deilan er í raun einn stór misskilningur og þjóðarheiður krefst þess að íslensk stjórnvöld geri umheiminum grein fyrir þessari stöðu.

Loftur Þorsteinsson er verkfræðingur og vísindakennari g hefur skrifað margar blaða- og vefgreinar um Icesave-málið. Hann er varaformaður Þjóðarheiðurs, samtaka gegn Icesave, sem stofnuð voru hinn 24. febrúar sl. Félagsmenn voru orðnir 62, þegar síðast fréttist. Þjóðarheiður var í gær að opna vefsíðu á Moggablogginu, sjá hér: Þjóðarheiður – veffang: thjodarheidur.blog.is. Gerizt bloggvinir samtakanna og takið þar þátt í umræðum um Icesave-málið!

PS.  Grein Lofts birtist á sama tíma og skoðanakönnun sýnir, að Icesave-stjórnin nýtur ekki nema 39% fylgis, en andstæðir henni eru rúmlega 60% aðspurðra!

Ég mun ræða þessi mál í erindi mínu í Útvarpi Sögu í dag, nú í hádeginu, kl. 12.40–13.00. 

Þannig var það litla innlegg, sem ég hugðist setja á vefsíðu-slóð ABC Nyheter á nýliðnum degi, en tókst ekki af einhverjum tæknilegum ástæðum. Á þá síðu rataði ég gegnum frétt Mbl.is (sjá tengil hér neðar), þá frétt sem byrjaði þannig:

• „Nei, það er ekki óhæfilegt að við krefjum Ísland um endurgreiðslur Icesave-innistæðanna,“ sagði barónessa Cohen af Pimlico við umræður á Evrópuþinginu í Brussel í gær ..."

Fyrir þessum síðustu orðum er svo sannarlega innistæða í vopnabúri sannleikans.

Baráttan heldur áfram. Ekkert Icesave!

Gerizt félagar í Þjóðarheiðri – samtökum gegn Icesave.

Flugumferðarstjórum finnst ekki nóg að slefa vel yfir 900.000 krónur og ætla í verkfall!

Vilja menn tvær þjóðir í einu landi? Hvernig dettur þessari stétt í hug að krefjast svo hárra launa? Og prestarnir ættu að skammast sín. Þótt þeim þyki kannski of skammt milli sín og biskups í launum, er það einfaldlega af því, að þeir sjálfir eru á allt of háum launum, svipuðum og alþingismenn; þeir fyrrnefndu eru þó tvöfalt fleiri og gott betur.

Skera niður, skera niður, það er lausnin, og hætta að taka lán. Eða er Steingrímur enn eitt 2007-lánastuðs-tilfellið? 

Upp með samvizkuna, niður með græðgina! 

En Steingrímur vill óður og uppvægur funda með fjendum okkar, og nú segir hann sig og sitt fólk hafa "boðizt til að vera gestgjafar og værum mjög hamingjusöm [sic!!] með það að næsti fundur yrði á Íslandi ef það gæti hentað, en við látum það ekki stranda á því ..." o.s.frv.

Það kom reyndar fram í kvöldfréttum Rúv, af hverju slitnað hafi upp úr viðræðunum:

• Fyrir síðustu helgi, áður en þjóðaratkvæðagreiðslan um Icesave fór fram, lagði íslenska samninganefndin fram plagg í viðræðum sínum við bresku og hollensku nefndirnar. Plaggið átti að vera upplegg fyrir framhald viðræðna um lausn Icesave-deilunnar.  Samkvæmt heimildum fréttastofu var þessu uppleggi íslensku nefndarinnar ekki vel tekið.  Fjölmargar athugasemdir voru gerðar og frekari viðræðum á grundvelli þess hafnað. (Fréttin Ágreiningur hindrar Icesaveviðræður á Rúv-vefnum.)

Skyldi þarna hafa verið um sóknarskjal að ræða frá þeim Lárusi L. Blöndal hrl., Lee Buchheit og Donald J. Johnston hinum kanadíska í viðræðunefndinni? Urðu Bretagreyin klumsa við? Fengu þeir kannski á baukinn þarna fyrir að hafa farið offari?

Hvað vitum við? Við fáum allt of lítið að vita. Og engin er stoð í Steingrími. Hans hlutverk er að gera sig breiðan í fjölmiðlum, en árangurinn er eins og botninn í sögunni af Bakkabræðrum: suður í Borgarfirði.

Hættið bara að svíkja þjóðina, Steingrímur og Jóhanna og allt ykkar lið – þá skulum við láta ykkur í friði.

Umboðslausi utanþingsráðherrann með ,,glórulaust rugl"?

Gylfi Magnússon, efnahags- og viðskiptaráðherra, brást í morgun mjög harkalega við ábendingum Alex Jurshevskis í fjölmiðlum í gær, en sá erlendi sérfræðingur í skuldavanda þjóða varaði okkur við því að taka fleiri erlend lán og mælti eindregið gegn því, að við borguðum Icesave-rukkun Breta og Hollendinga. 

,,Glórulaust rugl" í Jurshevski, segir Gylfi í frétt Rúv – ekki dugði minna til. Þótt það komi ekki fram í þeirri veffrétt Rúv, sem finna má þó allýtarlega á þeim tengli, þá svaraði Gylfi því sérstaklega til í útvarpinu sjálfu, að norrænu lánin "og Icesave-lánið" væru hagstæðustu lánin sem okkur stæðu til boða.

Hér lýgur ráðherrann og ekki í fyrsta sinn. Í 1. lagi höfum við ekki fengið neitt "Icesave-lán" frá Bretum og Hollendingum og hefur aldrei staðið til, heldur höfum við fengið þaðan ólögvarða, tröllaukna rukkun vegna einkabanka, rukkun sem jafnvel Icesave-stjórnvöldin huglausu á Íslandi hafa þó haft þor til að nefna í sínu frumvarpi til Icesave-laganna skammvinnu, að við viðurkennum ekki lagaskyldu okkar til að greiða!

Í 2. lagi var á það bent í góðri grein á viðskiptasíðu Morgunblaðsins, að vaxtakjörum Icesave-samningsins frá í október og á norrænu lánunum verður alls ekki jafnað saman – og ekki heldur þeim skömminni skárri vaxtakjörum, sem Bretar eru sagðir hafa boðið í febrúar/marz og líkt við norrænu kjörin. Þar er nefnilega sá reginmunur á, að Icesave-pakkinn skapar hér enga eignastöðu á móti skuldarviðurkenningunni, en norrænu lánin gera það hins vegar og gætu t.d. borið um 4% vexti, ef lögð væru inn á erlenda reikninga.

Okkur vantar nýjan efnahags- og viðskiptaráðherra, þessi er gersamlega vanhæfur til að fjalla um Icesave-málið.

PS. um annað málefni: Endilega látið ekki hjá líða að skoða forvitnilega umræðu um fádæmatíðar Brusselferðir manna í alls kyns samtökum og skoðanaskipti þar um á vefsíðu minni hér neðar:  Stjórn SUF misnotar aðstöðu sína til andþjóðlegrar stefnu í óþökk kjósenda Framsóknarflokksins 

Hvað er svona "eðlilegt" við þetta – að lýðveldið Ísland stefni á að láta innlimast í meginlands-stórveldi? Hvernig getur það verið "eðlilegt" fyrir ungmennasamtök flokks, sem á sér að verulegu leyti stoð í kjósendum, sem lifa á landbúnaði og sjávarútvegi, að taka stefnuna á að brjóta niður nokkrar helztu stoðgreinar í atvinnuháttum bænda og setja íslenzkan sjávarútveg í gíslingu Evrópubandalagsins?

Stjórn SUF hefur áður tekið allt of lingeðja afstöðu til Evrópubandalagsins, það sést í frétt af ályktun þar frá 19. marz 2008, þó að eitt atriði sé þar vissulega gott, en því var slegið upp í fyrirsögn fréttarinnar (á vefsíðu SUF) og að því er virðist til að lina þjáningu lesenda við að frétta þar, að forysta SUF vill stefna landinu inn í gin Evrópubandalagsins. Þeir kváðust þó vilja, þar og þá, að þjóðaratkvæðagreiðsla yrði um umsóknina sjálfa:

SUF vill þjóðatkvæðagreiðslu um aðildarviðræður við Evrópusambandið

Nú eru þeir hættir að minna á þá þjóðaratkvæðagreiðslu, eftir að Samfylking og Vinstri græn sviku þjóðina um hana og hafa jafnvel ekki lofað, að höfnun meirihluta þjóðarinnar á "aðildarsamningi" (þegar hann verði tilbúinn) verði bindandi. Stjórn SF "fagnar" nú því,  "að umsókn Íslands um aðild að Evrópusambandinu [sé] í eðlilegum farvegi" o.s.frv. – Skyldu þeir vera farnir að þiggja fríar flugferðir í glanshallirnar í Brussel, ungu Framsóknarmennirnir? Hefur einhver upplýsingar um það?

Það verður að veita þessu fólki fullt aðhald. Menn ættu t.d. að vera á varðbergi gagnvart ekki aðeins því, að borið sé "fé" eða öllu heldur hlunnindi og svíkjandi gæði á stjórnarmenn í slíkum samtökum, heldur einnig gagnvart því, að ekki sé verið að planta inn í þau málpípum erlends stórveldis, sem vill innbyrða ríki okkar, þjóðinni og þar með óbreyttum Framsóknarmönnum til óþurftar og bölvunar.

Ekki verður kvartað yfir öllu í stefnu SUF, t.d. finn ég á vefsíðu samtakanna eftirfarandi ályktun dags. 13. nóv. 2009 (og leyfi mér að feitletra hér mikilvægustu áherzluna þar):

1. Þau úrslit, þar sem 98,1% þeirra, sem tóku afstöðu, sögðu NEI við Icesave-lögunum frá 30. desember, eru merkur atburður í sögu þjóðarinnar. Því ber að fagna að svo afgerandi meirihluti lét andstöðu sína í ljós. Það er mikilvægur áfangi í varnarbaráttu almennings gegn yfirgangi erlendra ríkja. Um leið og samtökin gleðjast yfir staðfestu meirihluta þjóðarinnar, fordæma þau stjórnvöld fyrir linkind gagnvart erlendri ásælni. Ríkisstjórnin hefur gerst sek um þau afglöp að láta undir höfuð leggjast að tala máli okkar, og hún hefur ekki komið þjóðinni til varnar gegn kúgun annarra ríkja.
2. Þjóðaratkvæðagreiðslan var nýtt upphaf að baráttu meirihluta Íslendinga fyrir algerri höfnun á kröfum Bretlands og Hollands. Þessi árangur hefði ekki náðst án baráttu hins þögla meirihluta, sem sýndi styrk sinn á þessum merka degi, 6. marz 2010.
3. Réttur almennings til að hafna ólögmætum álögum hefur nú verið staðfestur. Þrautseig þjóð, sem stendur bjargföst á lagalegum grundvallaratriðum og heldur þeim fram af rökvísi, verður ekki sigruð. Jón Sigurðsson forseti hefði verið hreykinn af þjóð sinni á þessum tímamótum.
4. Sérstakar þakkir hlýtur forseti Íslands, herra Ólafur Ragnar Grímsson, sem sannaði að fullveldi þjóðarinnar er í höndum hennar sjálfrar og kom í veg fyrir að Ísland yrði gert að skattlandi tveggja gamalla nýlenduvelda. Með þjóðaratkvæðinu var stjórnarskrá lýðveldisins heiðruð. Framvegis þarf að koma í veg fyrir að ólýðræðislegu þingræði verði flaggað sem eðlilegu stjórnarfari á Íslandi. Lýðræðið á sér þann grundvöll að fullveldið er hjá þjóðinni. Það mun ekki verða látið af hendi.
5. Þjóðarheiður hafnar alfarið gjaldskyldu ríkisins vegna Icesave-reikninga Landsbankans. Þar skiptir engu hve langt ráðamenn okkar voru reiðubúnir að ganga (þvert á móti ákvæðum stjórnarskrárinnar!) til að láta ríkissjóð borga gríðarlegar fjárfúlgur vegna máls þessa á fyrri stigum þess, undir óbilgjörnum þrýstingi frá ríkjum sem notuðu sér neyð landsins til að beygja ráðamenn okkar til hlýðni.
6. Nú skiptir mestu að hvika hvergi frá rétti okkar og lagalegri stöðu. Samtökin Þjóðarheiður standa eitilhörð gegn öllum samningaumleitunum við Breta og Hollendinga vegna hinnar ólögvörðu kröfu þeirra að veitt verði ríkisábyrgð vegna erlendra skulda banka í einkaeigu.
7. Allar samningaviðræður ríkisins við Bretland og Holland eru misráðnar og hafa leitt til langvarandi deilna og reiptogs sem hefur sett Alþingi Íslendinga í gíslingu, á sama tíma og fjölskyldur og atvinnuvegir glíma við mestu efnahagskreppu síðari áratuga.
8. Samkvæmt skoðanakönnun, sem MMR gerði og var birt 8. marz, telja um 60% landsmanna að Íslendingum beri alls ekki að ábyrgjast kröfur Bretlands og Hollands. Heilbrigð skynsemi segir okkur að almenningur í þessu landi hafi engar skyldur til að greiða himinháar kröfur frá ríkissjóðum 250 sinnum stærri þjóða. Það eru tryggingasjóðir og bankar í þessum löndum sem bera ábyrgð á umræddum kostnaði með iðgjöldum sínum. Kröfugerð Bretlands og Hollands á okkar hendur er hrein fjárkúgun.
9. Lög nr. 96 frá 28. ágúst 2009 gefa Bretum og Hollendingum færi á því að skuldsetja lýðveldið vegna Icesave með því að þeir fallist á þá fyrirvara sem settir eru í lögunum. Því er brýnt að umrædd lög verði felld úr gildi. Ríkisábyrgð á Icesave-skuld Landsbankans samræmist hvorki stjórnarskrá, evrópskum lögum, þjóðarhag né almennu réttlæti. Þjóðarheiður krefst þess að lög nr. 96/2009 verði afnumin og Alþingi fari þannig að þjóðarvilja.

Ofangreind orðsending, samþykkt miðvikudaginn 10. þessa mánaðar, var send öllum helztu fjölmiðlum. Skyldi hún verða þögguð niður eða einungis birt í örstuttu ágripi, eins og átti sér stað um yfirlýsingu um málstað Íslands frá sömu samtökum?

Hér er heimasíða samtakanna: Þjóðarheiður – samtök gegn Icesave. Í samtökunum er nú fimmtíu manns. Í stjórn Þjóðarheiðurs voru kosin: Jón Valur Jensson, formaður, sími 616–9070, Loftur Altice Þorsteinsson, varaformaður, hlutverk@simnet.is, Elle Ericson, ritari, s. 691-6719, elle27@ymail.com, Guðni Karl Harðarson, meðstjórnandi, s. 692–1877, María Jónasdóttir, meðstjórnandi, maria.jonas@simnet.is, Theódór Norðkvist, meðstjórnandi, s. 690–8825, og Friðrik Kjarrval, varamaður.

Lítið á myndina, sem fylgir frétt Mbl.is (tengill hér neðar; smekkið á myndina til að sjá hana stærri), þar er mótmælaspjald gegn Icesave. Sjálfur var ég við annan mann með enn stærra mótmælaspjald, sem líta má hér:

– Guðni Ágústsson í góðri Mbl.grein fyrr í vikunni.*

Svo hittist á, að þessi vísdómsorð eiga sérdeilis vel við um hollenzka þingmenn sem funduðu með InDefence-mönnum um Icesave, skv. Mbl.is-frétt kvöldsins. Þeim fyrrnefndu kom það á óvart að heyra um merkileg ummæli Wouters Bos, fyrrv. fjármálaráðherra Hollands, frá vorinu 2009, "þar sem hann sagði að innstæðutryggingakerfin hefðu ekki verið hönnuð fyrir kerfishrun, heldur fall einstaka banka. Þeir hafi látið lesa það fyrir sig þrisvar. "Þetta virtist vera nýtt fyrir þeim, þannig að það gæti verið áhugavert ef fleiri gerðu sér far um að útskýra röksemdir Íslendinga í málinu beint fyrir þingmönnunum til að fá gagnkvæman skilning. Þá fannst mér til dæmis ekki ljóst hjá þeim hvernig lagt var upp með forsendur innstæðusjóðanna, það er að þeir hefðu ekki verið hannaðir fyrir svona stór áföll," sagði Magnús Árni Skúlason, InDefence-maður, í viðtali við Mbl.is (sjá miklu nánar í tenglinum hér neðar – en allar leturbreytingar eru mínar).

InDefence eru samtök sem hafa staðið sig vel í að miðla upplýsingum til útlendra frétta- og ráðamanna um Icesave-málið, en hins vegar sýti ég það alltaf, þegar ég sé InDefence-menn gangast inn á, að Íslendingum beri að borga eitthvað vegna þessara reikninga einkabanka; þeir vinna sem sé á þeim grundvelli að reyna að komast að málamiðlun um þetta deilumál í milliríkjasamningum.

Allt annar er málefnagrundvöllur nýrra samtaka, sem nefnast Þjóðarheiður – samtök gegn Icesave. Við höfnum allri gjaldskyldu íslenzka ríkisins vegna Icesave, bendum á, að þetta er í eðli sínu kröfuréttarmál einstaklinga, fyrirtækis og tryggingarsjóða, ekki milliríkjapólitískt mál, og byggjum við þá vörn okkar á lagalegum grunni. Félagsmenn samtakanna eru nú nákvæmlega 50.

Þeir, sem gerast vilja félagsmenn, geta haft samband við okkur stjórnarmenn samtakanna, sjá nánar hér.

––––––––––

* Mbl. 10. marz 2010: Guðni Ágústsson: Jöfnum nú leikinn við Bretland (mjög áhugaverð grein um Icesave-málið). M.a. fylgir Guðni þar eftir þeirri sjálfsögðu áherzlu sinni strax haustið 2008, að krefjast beri fjárbóta af brezku ríkisstjórninni vegna fruntalegrar beitingar hennar á hryðjuverkalögum gegn íslenzkum bönkum, fyrirtækjum og Seðlabanka Íslands.

Norsk stjórnvöld, sem beittu sér gegn okkur í Icesave-málinu í trássi við vilja margra Norðmanna (20% telja okkur eiga að borga Icesave) og beittu okkur um tíma fjárkúgun þvert gegn tillögum þriggja norskra þingflokka, hafa nú loksins gefizt upp á því ófagra framferði sínu. Það er gleðilegt. 

Allir þjóðhollir Íslendingar, sem sendibréfsfærir eru á dönsku og sænsku, ættu nú að einbeita sér að því að uppfræða Dani, Svía og Finna um ranglætið, sem fólgið er í Icesave-málinu, og stuðla þannig að þrýstingi á þau stjórnvöld þeirra, sem brugðizt hafa Íslendingum með heigulslegri stefnu sinni í þessu Icesave- og AGS-lánamáli.

Annars var Morgunblaðið með frábæran leiðara um þessi norrænu mál á nýliðnum degi. Hráskinnaleikur bræðraþjóða nefnist hann, verðskuldar sannarlega mikinn lestur, og úr því að dagurinn er liðinn, auk þess sem Morgunblaðið birtir opinberlega allar ritstjórnargreinar sínar á hinni opnu vefslóð morgunbladid.blog.is, þá ætti að vera í lagi að birta hér þann afar góða leiðara, sem sýnir vel kjarna þessa máls án undansláttar og fagurgala:

• * "Ef Ísland fer ekki eftir alþjóðlegum skuldbindingum sínum vitum við ekki hvers vegna við ættum að horfa á jákvæðan hátt til Íslands ef landið sækir um aðild að Evrópusambandinu. Það er fyrra atriðið. Hitt er að við vitum ekki hvers vegna við ættum að líta jákvæðum augum á umsókn Íslands um lán hjá Alþjóðagjaldeyrissjóðnum,“ segir Frans de Nerée tot Babberich, talsmaður þingflokks Kristilegra demókrata (CDA) í efnahagsmálum í Hollandi.
• Vart er hægt að skilja orð hans öðruvísi en sem hótun, enda hafa Hollendingar áhrif innan sjóðsins,

Ekki þykir mér þessi Frans de Nerée tot Babberich ýkja kristilegur (köllum hann Total Babble til styttingar), þótt hann tilheyri flokki Kristilegra demókrata. Það er ekki kristinna manna háttur að beita smáþjóð fjárkúgun, hvað þá tvöfaldri.

Reyndar virðist þessi maður svo veruleikafirrtur, að hann telji það hótun, sem hjálpi honum, að við "fáum" ekki að láta sporðrenna landinu í Evrópubandalagið! Það er einfaldlega fagnaðarefni, að sem flest ríki þess bandalags svari umsókn stjórnarskrárbrjótanna hér á landi með því að beita neitunarvaldi gegn innlimun þjóðarinnar í þetta hrörnunarbandalag. En vissulega verður að viðurkenna, að hótunin frá þessum Total Babble hefur sennilega þau áhrif, sem henni er ætlað, á okkar öfugsnúnu Samfylkingar-þingmenn.

Svo á eftir að prófa þetta allt í verki, og kannski verður þetta tóm vitleysa og eilífðar-órakostnaður. Hvað geta þeir vitað? Þeir vita ekki í hvorn fótinn þeir eiga að stíga. 

Trichet, sem er kannski maður með einna beztu viti, vill ekki hafna þeirri hugmynd, sem nefnd var fyrst hér í textanum, en lesið þetta, sem þar stendur líka:

• "Jürgen Stark, aðalhagfræðingur Seðlabanka Evrópu, hefur hins vegar varað við því að þetta gæti kostað gríðarlega fjármuni og ýtt undir ósjálfstæði skuldsettari ríkja."

Það er sem ég segi: Evrópubandalagið er á sama stigi og dýr á tilraunastofu, sem til stendur að reyna á ýmis "lækningaúrræði" með óvissum afleiðingum. 

Ætlum við inn í þetta gáleysisgímald? 

* Þetta (ríkisábyrgð á tryggðum innistæðum í bönkum) var hugmyndin í sumar og virtist ætla að verða að veruleika, en nú hefur allt í einu verið snúið við blaðinu. Bandalagið er ekki markvissara en þetta, en samt vill Össur óður og uppvægur treysta því fyrir forsjá sinni fram í rauðan dauðann.

• "Staðreynd málsins er að okkur ber engin lagaleg skylda til að ábyrgjast þessar greiðslur, sem mér heyrist reyndar fjármálaráðherra meira að segja farinn að segja sjálfur. Uppleggið, sem allir flokkar samþykktu, var að nýta þrotabú Landsbankans sem mest til að standa straum af greiðslum til Breta og Hollendinga, eins og þeir eiga rétt á samkvæmt lögum. Mér finnst mikilvægt að menn haldi sig við þá nálgun sem mörkuð var í upphafi, og hefur ekki verið vikið frá, að minnsta kosti af hálfu stjórnarandstöðunnar," segir Sigmundur Davíð Gunnlaugsson, formaður Framsóknarflokksins. 

En þá má nú spyrja Sigmund: Hvers vegna tók hann þá í mál um daginn að ræða það við Breta og Hollendinga að borga þeim yfirleitt eitt einasta pund eða evru? Hefur hann leyfi til þess? Hefur hann umboðið frá kjósendum sínum? Hefur meirihluti þjóðarinnar gefið honum til kynna, að þetta beri honum að gera?

Nei, fjarri fer því – meirihlutinn segir EKKERT Icesave! – nákvæmlega eins og samtökin Þjóðarheiður, sem ég tilheyri.

Ágæti Sigmundur Davíð, gakktu nú í samtökin – og taktu sem flesta með þér!

Heimasíða samtakanna:   http://www.wix.com/Thjodarheidur/main/