Tími til kominn að hætta að vera í afneitun um Nice-fjöldamorðin

Við rannsókn lögreglu á tölvu í eigu illræð­is­manns­ins, Moha­m­eds Bou­hlel, kom í ljós að hann skoðaði ít­rekað áróðurs­heima­síð­ur og mynd­bönd af af­höfðunum og kynnti sér bar­áttu­að­ferð­ir rót­tækra islam­ista. Þetta var vita­skuld á vef­síðum hins illræmda "Ríkis islams".

Framan af voru menn óvissir um hvatir ódæðis­mannsins og spáðu í hvort hann væri einfaldlega "sturlaður", en svo kom í ljós, m.a. með upplýsingum frá bróður hans, að fyrir um hálfu ári hvarf hann aftur með virkum hætti að trú feðra þeirra í Túnis og tók að sækja mosku.

Hvers konar "fræðslu" fekk hann í moskunni? Það á vonandi eftir að koma í ljós. Leiddi sá selskapur hann til ISIS? Eitt er víst, að hjá ISIS fekk hann hvatningu til að níðast á "vantrúuðum", eins og áhorf hans á grimmdarlegar aftökur öfga­islamista ber vitni um. En ekki missti hann þar með alla rökhugsun; hann skipulagði hryðju­verkið nákvæmlega, leigði sér 25 tonna flutningabíl, setti í hann byssur, handsprengjur o.fl. og kannaði fyrir f­ram vettvang síns blóðuga glæps sem hann framdi að algerlega yfirlögðu ráði.

Við getum því engan veginn kallað þetta hinu franska hugtaki crime de passion né látið sem hér hafi einfaldlega verið um "sturlun" að ræða.

Sagður hafa átt 73 ára gamlan elskhuga

Athugasemdir

[Jóhann Kristinsson, 19.7.2016 kl. 12:21]

Er ekki kominn tími til að hætta að vera í afneitun um hryðjuverk íslamista allstaðar, en ekki bara í Nice.

Ef fólk veit ekki hver óvinurinn er, þá er ekki hægt að verjast árásum óvinarins, er það ekki rétt? 

Hugsa sér t.d. með fjölda kvenna sem voru beittar kynferðislegu ofbeldi í Þýskalandi um síðustu áramót í lýðræðis ríki sem þykist vera með rit og tjáningarfrelsi þá er verið að stinga sannleikanum undir stól.

Ef ekki er hægt að segja sannleikan lengur, þá er lýðræðið á hraðri leið niður í flórinn, so to speak.

Kveðja frá Seltjarnarnesi.

[Jóhann Elíasson, 19.7.2016 kl. 17:12]

Og ekki má gleyma RITSKOÐUN "Góða Fólksins" hér á landi, ég var með blogg hérna tengt við frétt hjá mbl.is.  Eitthvað fór þetta fyrir brjóstið á "Góða Fólkinu" og tóku einhverjir sig saman um að "láta" rjúfa tenginguna við fréttina.  Hér er bloggið:  http://johanneliasson.blog.is/blog/johanneliasson/entry/2176580/

[Jón Valur Jensson, 19.7.2016 kl. 20:16]

Beztu þakkir fyrir þetta, báðir tveir.

Það er ennfremur fantagóð grein í Mogganum í dag eftir Einar S. Hálfdránarson, endurskoðanda og hrl., grein sem snertir mjög innflytjendamálin: Bréf til biskupa Þjóðkirkjunnar

Einar er sannarlega ekki einn hinna óraunsæju!