Jóni hrl. Magnússyni anzað vegna umskurnarmála

Í þrjá daga hefur Jón mál­vinur minn ekki birt þessa aths. mína við full­yrð­inga­sama grein sína:

Þessi "forn­aldar­hugsun ákveð­inna trúar­bragða" er, nafni minn ágæti, boðorð þeirra trúar­bragða sem Jesús sjálfur ólst upp við, María og Jósef, Anna og Sakaría og sonur þeirra Jóhannes skírari aðhylltust af trúmennsku. Þau voru uppi á fornöld (sem lauk seint á 5. öld e.Kr.) Var eitthvað að því? Gjaldfellir forskeytið "fornaldar-" Hómer og Búddha, Platón og Aristoteles, Períkles og Alexander mikla, Cæsar og Cicero, Seneca og Epiktet, Sapfó og Óvíd, Sófókles og Sallúst, Virgil og Horatius og sjálfan Jesúm Krist í huga upplýstra manna?*

Umskurn sveinbarna var boðorð Guðs til Abrahams og afkomenda hans, Guðs útvöldu þjóðar.

Að Kristur með fórnardauða sínum geri umskurn óþarfa fyrir þá, sem á hann trúa, er engin fordæming þeirra Gyðinga sem halda sig við trú ættfeðranna.

Grein þín, Jón, er því misráðin.

* Viðauki: Hér má svo vitaskuld bæta við Davíð konungi og Saló­mon syni hans, spá­mönnunum Jesaja og Jeremía og mörgum öðrum, Evklíð og Pýþagórasi, heil. Ágúst­ínusi, Lao-tze og fjölda annarra vit- og speki­manna í fornöld. Það er ekki okkar, grunn­rist­ari manna, að hnjóða í þá af yfirlæti. Það verður líka enginn sjálf­krafa mikill vitmaður á því að vera nútímamaður! Sumir læra jafnvel naumast að lesa!


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband