Austurvöllur er ekki gistihús! -- ÍÞ boðar til mótmæla nk. laugardag gegn ofbeldis-framferði mótmælenda!

Hópur hælisleitenda stundaði þar árásir á störf lögreglu í gær, í trássi við fyrir­mæli lögreglu, m.a. um að fjarlægja bálköst af Austurvelli. Ennfremur er ráðizt á heimild yfirvalda hér til að framfylgja Dyflinnar-reglu­gerðinni um að vísa hælis­lei­tendum til þess lands sem þeir komu frá --- og pólit­ísk öfl hér, ómerki­leg að vísu, taka þátt í þeim þrýstingi sem þetta lið (hælis­leit­andi ungir múslima­karlar, No Bord­ers--öfga­fólk, pír­atar o.fl. rót­tæk­lingar) er að reyna að byggja upp með pressu á yfirvöld hér, með frekri kröfugerð og með því að halda lögreglu upptekinni við löggæzluna, þar til yfirvöld nenna ekki að standa í þessu lengur og gefast upp, en í raun fyrir algerum minnihlutahópum!

 

Svo er bara lagzt til hvílu á Austurvelli yfir nótt, þótt Íslendingum standi slíkt ekki til boða, enda er Austurvöllur ekki gistihús! -- og þeim áróðri bætt við, að sá aðbúnaður sé skárri en í Ásbrú! En þetta fólk er ekki að koma sér inn í Laugardal til að tjalda þar með húsnæðis­lausum Íslendingum, sem þurfa að gera sér tjald­stæðið þar að góðu -- og borgar Reykja­víkur­borg 110 þúsund krónur á mánuði fyrir tjald­stæðisleiguna, rafmagn, vatn og aðra aðstöðu! En hælis­leit­endur fá allt frítt og hafa nú þegar kostað okkur milljarða!

 

Á vefnum http://utvarpsaga.is er spurning dagsins í skoð­ana­könnun: "Styður þú kröfur þeirra hælis­leitenda sem mótmælt hafa að undanförnu?" -- niðurstaðan verður birt um kl. 11.55 í dag, og ég hygg að meðal hlustenda stöðv­arinnar og þjóðarinnar í heild sé allur straumurinn á móti framferði og kröfugerð þessara mót­mæl­enda -- hælis­leitenda og No Borders-fólks, pírata og annarra rót­tæk­linga, sem láta mikið á sér bera og óhlýðnast lögreglu, en hafa EKKI þjóðarfylgi.

 

Nú er komin NIÐURSTAÐAN úr skoðanakönnun Útvarps Sögu: "Styður þú kröfur þeirra hælisleitenda sem mótmælt hafa að undanförnu?" -- NEI sögðu 94%, JÁ sögðu tæplega 5% og hlutlausir 1,7%, eins og Arnþrúður upplýsti um nú á hádegi. -- ALLUR STRAUMURINN ER MEÐ ANDSTÆЭINGUM MÓTMÆLA­HÓPSINS Á AUSTURVELLI Í GÆR!

 

Íslenska þjóðfylkingin hefur nú boðað til þögullar mótmælastöðu á Austurvelli nk. laugardag kl. 13-14 með þessari auglýsingu á Facebók flokksins:

 

Mótmælum ofbeldi hælisleitenda gegn íslensku samfélagi og lögreglunni okkar á Austurvelli laugardaginn 16. mars kl. 13 til 14. Við ætlum að mæta með íslenska fánann í friðsömum og þögulum mótmælum.

 

PS. Á Facebók sinni talar séra Toshiki Toma, innflytjenda­prestur, um stuðning Agnesar biskups við þessa mótmælendur í gær (þau sjást þar saman á mynd, Agnes og hann) og lofar þjónustu Dóm­kirkjunnar við mótmæla­fólkið. En það er rangt hjá séra Toshiki að tala um þessa hælis­leitendur sem "flóttamenn". Efnahags­flóttamenn væri þá nær lagi, og ekki koma þeir hingað beint frá neinu stríðs­hrjáðu landi. En skv. Dyflinnar-reglu­gerð­inni á landið, sem þeir yfirgáfu síðast, að taka við þeim aftur. Meiri en svo eru ekki lagalegar skyldur okkar við þessa hælis­leitendur, og samt hefur verið eytt milljörðum króna í þá, í stað þess að styðja t.d. íslenzkt, húsnæðis­laust fólk, sem borgin krefur um 110.000 kr. á mánuði fyrir leigu á snautlegu tjaldstæði í Laugardal !!! Ekki er þeim boðið inn á klósett í Dómkirkjunni eða Biskupsstofu!

Kuldinn betri en Ásbrú